Čitam...

Ustavni sud se već pet godina ne izjašnjava o inicijativi za preispitivanje ustavnosti i zakonitosti člana 35a Zakona o unutrašnjoj trgovini, kojim je početkom oktobra 2019. godine uvedena neradna nedjelja za oblast trgovine.
Iz ove institucije “Vijestima” nisu odgovorili na pitanje šta se sada dešava sa tom inicijativom i postupkom, kao i kada bi javnost mogla očekivati da će donijeti odluku. Iz Unije poslodavaca, koja je pokrenuli inicijativu, kažu da ih je Ustavni sud posljednji put o ovom postupku obavijestio u junu 2020. godine iako su od tada slali više urgencija.
Ako pet godina treba za ovo jednostavno pravno izjašnjavanje, koliko godina im treba za složenija tumačenja Zakona? – pita se privrednik Bara.