Predstava “Hoću kuci” u petak, 5. decembra u Domu kulture u 11 časova.

Predstava je podsticaj društvenom angažmanu mladih kroz pozorište.
.Autorska predstava mladih stvaralaca, Davora Golubovića i Irfana Ribića koja nosi naziv “Hoću kuci” u organizaciji Opštine Bar, edukativnog karaktera je i namijenjena publici uzrasta 15+ godina. Ima za cilj da podstakne društveni angažman mladih kroz pozorište, te da im pruži priliku da razviju kritičko mišljenje i empatiju kroz umjetnost.
“Hoću kuci” bavi se pitanjem doma, pripadnosti i granica – onih vidljivih, ali i nevidljivih. Na sceni se susrijeću dva mladića: Khaled - migrant iz Maroka koji traži sigurnost i novi početak i Denis - Sarajlija u potrazi za vlastitim putem i potvrdom u svijetu umjetnosti. Njihovi životi se ukrštaju u trenutku koji postaje presudan i za jednog i za drugog.
Ovaj komad nije samo drama o migracijama, identitetu i savremenom društvu. „Hoću kući“ je najprije bajka o prijateljstvu. Kroz humor, emotivne situacije i svakodnevne konflikte predstava prikazuje proces rastuće empatije i samospoznaje likova.
Nakon igranja predstave, biće održan i neformalni razgovor autora sa mladima o njihovim životima, iskustvima i izazovima, kako bi se podstakla istinska razmjena mišljenja i razmišljanje o svijetu koji ih okružuje.
Režiju potpisuje Saša Peševski, a ulaz je slobodan.