Anika je član Međunarodnog udruženja književih stvaralaca i umjetnika Nekazano, iz Bara.

Anika je inače Zećanka sa umjetničkom crtom, koju izražava olovkom kroz poeziju i prozu. Zapažen je recitator, voditelj i organizator kulturnih događaja u Crnoj Gori i okruženju. Objavila je jednu knjigu poezije “San košute” a u pripremi su jedna knjiga poezije i knjiga proze koju će objaviti “Nekazano” iz Bara. Anika je i jedan od osnivačica Udruženja žena Zete ” Gospojine”, koje su dobile nagradu za humanost.

O stvaralaštvu autorke na ovoj večeri govorio je Labud N. Lončar, predsjednik udruženja Nekazano ističući njene zasluge i doprinos radu udruežnja Nekazano. Njenu posvećenost prijateljima i humanu crtu koja je krasi.

Stihove iz Anikine knjige “San košute”govorili su Savka Gudović Parađina, Eva Sekulović, Labud N. Lončar, Dušica Pajović, Danijela Šundić, Sanja Veličković I Ana Ivančević, koje su znalački vodile program ove večeri. Naravno i Anika je prisutne obradovala govorenjem nekoliko svojih pjesama..
Za muzički dio večeri pobrinuli su se Natalija Novaković, pjesnikinja, član udruženja Nekazano koja je pjevala etno pjesme bez muzike, Petar Balaban na harmonici i Hristina Knežević na violini, oboje učenici škole za muziku i balet "Vasa Pavić" iz Podgorice.

Pri kraju ove večeri koja je nosila naslov “Anika i prijatelji” ono “prijatelji” je došlo do izražaja a Anika se obratila pjesnicima i prisutnima sa molbom za pomoć sa Milicu, majku četvoro djece koja je bolesna od najteže bolesti. Miličina majka je takođe pjesnikinja, prijatelj udruženja i prisutnih pjesnika. Anika je za ovu priliku spremila i iznijela kutiju za novčane priloge, na kojoj je bio i broj tekućeg računa za one koji nemaju kod sebe novca. Svi prisutni su priložili novac, onoliko koliko je ko imao a par njih je zapisalo tekući račun da uplate pomoć. Broj računa je 520-9213-81, za Milicu.

Prisutni su pozvani na druženje u Baru, 18. Februara, na književnoj večeri u Dvorcu kralja Nikole, riječi su Labud N.Lončara.